قصيدة يسقط النظام
كل الدنيا قالت
للسقوط مصر قالت
كان فيهم اللى عاطف
كان فيهم اللى شامت
وأنا وأولادك يامصر
قمنا والثورة قامت
والدنيا بحالها شافت
شبابك يامصر
من أخر الدنيا جالك
وفى عز المحنة شالك
ماهما دول ولادك
وشبابك يامصر
شفتــى يامصر لما
شبابـــك لــــم لمــة
وقال فى صــوت بهمة
يسقط النظـــام
شفتينا يامصر وإحنا
عرايس يوم فرحنا
بنزف عليكى روحنا
فى مظاهرة سلام
أيوة يامصـــر إحنــــا
ولادك زى مــاحنــــا
أد أى مــحــــنـــــــة
والله مش كـلام
صحينا خلاص وفوقنا
ومعدش حزب فوقنا
وقدامك ادى صوتنا
يسقط النظام
قلنــا كتير وعيدنــا
بكرة هاييجى عيدنا
ونرجع فيه بإيدنا
عمرنــــا اللى فات
ويناير كان ميعادنا
روحنا التحرير وقعدنا
.وبصوت الحق رفعنا
أيام العزة جات
قوم يا جمال وشاركنا
وشوف بعنيك ثورتنا
وهانحلف ليك بحياتنا
أبو خالد عمره ما مات
أحرارك دول أحرارنا
وادى جيشك رافع راسنا
فى عزالمحنة شايلنا
وعمره ما قلنا هات
